02, ივნისი 2018 20:04:00
მგზავრთა გადაყვანა რეგულაციების გარეშე. საუბარია ტაქსის მძღოლებზე და ამ მიმართულებით არსებულ პრობლემებზე. დღეს ნებისმიერ მსურველს შეუძლია აღნიშნულ საქმიანობაში ისე ჩაერთოს, რომ არც ერთ უწყებაში არავითარი დოკუმენტაციის წარდგენის ვალდებულება არ აქვს, მათ შორის არც ჯანმრთელობის ცნობის. კრიტერიუმები დასაქმების მსურველთათვის არც ტაქსის კომპანიებს აქვთ. ხშირ შემთხვევაში მთავარი და ერთადერთი მოთხოვნა - ქალაქის კარგად ცოდნაა.